Дээди Хуралдың Чөвүлели бодунуң хуралын эрттирген

Хуралдың эгезинде Тываның парламентизиниң Даргазы Каң-оол Даваа Моол күрүнениң Увс аймакка «Орус дылга ынак мен» деп оюнну эрттирерде Дээди Хурал федералдыг деткимче алганын демдеглээн.

Эрткен неделяда Дээди Хуралдың Даргазы Каң-оол Даваа Россотрудничество деп федералдыг агентилелдиң удуртукчузу Евгений Примаков-биле ужурашканын сагындырып каалы. Ужуражылганың түӊнелинде Евгений Примаков «Орус дылга ынак мен» деп делегей чергелиг төлевилелди бедик үнелээн, ону деткиирин база аазаан. Бо чылын оюннуң деңнели элээн улгадыр – Моолдуң Баян-Өлгий болгаш Ховд аймактарының, Алтай Республиканың Күрүне Хуралы Эл Курултайның төлээлериниң киржилгези манаттынып турар.

Оон ыңай Чөвүлел кежигүннери Тыва Республиканың Чазааның отчеду-биле таныштырар ажылчын үнүүшкүннерге киришкенин чугаалаан. Хөй чагыгларның күүседилгези, ажыглалга кииртинген объектилерниң болгаш боттуг ажыл-херектерниң ачызында Тыва Чазактың 2022 чылда ажыл-чорудулгазының түңнелдерин чон бедик үнелеп турарын депутаттар онзалап демдеглээн.

Хурал үезинде үнүп келген неделяда чуртталга-коммунал ажыл-агыйыныӊ айтырыгларынга тураскааткан чон хүлээп алыышкыннары эгелээрин база дыңнаткан. Оон аңгыда, Каң-оол Даваа коллегаларын айыыл чок чорук болгаш корум-чурум, малчыннарны деткиириниң, мал оолдаашкынының айтырыгларын контрольга ап, кожууннарның удуртулгазы-биле доктаамал харылзаага турарын кыйгырган.

Хуралдың төнчүзүнде Дээди Хуралдың Даргазы апрель 1-ден эгелеп Тывада школаларның капитал септелгези эгелей бээрин демдеглээн. Чоннуң соңгуттурганнары бо ажылдың шупту чадаларынга ооң шынары болгаш хуусааларын сагып турарынга хамаарыштыр контрольду чорудар ужурлуг деп сагындырган.


Совет Верховного Хурала провел свое заседание

В начале заседания Председатель парламента Тувы Кан-оол Даваа отметил, что Верховный Хурал заручился федеральной поддержкой в проведении игры «Я люблю русский язык» в Увс аймаке Монголии.

Напомним, что на прошедшей неделе Председатель Верховного Хурала Кан-оол Даваа встретился с руководителем федерального агентства Россотрудничество Евгением Примаковым. По итогам встречи Евгений Примаков высоко оценил международный проект «Я люблю русский язык» и пообещал поддержать его. В этом году масштаб игры значительно расширится – ожидается участие Баян-Ульгийского и Ховд аймаков Монголии, делегации Государственного Собрания Эл Курултай Республики Алтай.

Далее члены Совета рассказали о своем участии в выездных отчетах Правительства Республики Тыва. Депутаты подчеркнули, что итоги деятельности Правительства Тувы в 2022 году высоко оцениваются населением благодаря исполнению многих наказов, введенным объектам и реальным делам.

Также на заседании было озвучено, что на этой неделе стартуют приемы граждан по вопросам жилищно-коммунального хозяйства. Кроме того, Кан-оол Даваа призвал своих коллег держать на контроле вопросы безопасности и правопорядка, поддержки животноводов, окотной кампании в своих округах, быть на постоянной связи с руководством кожуунов.

В конце заседания Председатель Верховного Хурала отметил, что с 1 апреля в Туве начнутся работы по капитальному ремонту школ. Он напомнил, что народные избранники должны обеспечивать контроль над качеством и соблюдением сроков на всех этапах работ.