Дээди Хуралга биче буурай үндезин чоннарны деткиириниң айтырыгларын чугаалашкан

Дээди Хуралдың Даргазы Кан-оол Даваа Тываның Баштыңының эгелекчи саналы-биле парламентиде ооң төлээзи Экер-оол Манчын-биле биче буурай үндезин чоннарны деткиириниң айтырыгларын чугаалашкан.

Чугааның түңнелинде олар Тыва Республиканың Баштыңының чанында Нациялар болгаш чүдүлгелер аразында харылзаалар талазы-биле чөвүлелдиң тургузуундан Биче буурай үндезин чоннар херектериниң комиссиязын аңгылаар деп санал үндүрген. Экер-оол Манчын бо саналды республиканың Баштыңынче киирер болган.

Чоокта чаа Тываның Баштыңы Владислав Ховалыг Соңгу чүк, Сибирь болгаш Ыраккы Чөөн чүктүң биче буурай үндезин чоннар ассоциациязының президентизи Григорий Ледков-биле кады ажылдажылга керээзинге аттарны салганын база Дээди Хуралдың Даргазы сагындырган. Керээ биче буурай үндезин чоннарны бүгү талазы-биле деткииринче болгаш оларның эрге-ажыын камгалаарынче угланган.

Тыва Республиканың Баштыңының чанында аңгы Биче буурай үндезин чоннар херектериниң чөвүлелин тургузары бо ажылды күштелдирер дээрзинге Кан-оол Даваа бүзүрелин илереткен.

В Верховном Хурале обсудили вопросы поддержки коренных малочисленных народов

Председатель Верховного Хурала Кан-оол Даваа по инициативе Главы Республики Тыва обсудил с его полномочным представителем в парламенте Экер-оолом Манчыном вопросы поддержки коренных малочисленных народов.

По итогам обсуждений они предложили отделить Комиссию по делам коренных малочисленных народов из состава Совета при Главе Республики Тыва по межнациональным и межконфессиональным отношениям в отдельную структуру. Представит данную инициативу Главе республики Экер-оол Манчын.

Также Председатель Верховного Хурала напомнил, что Глава Тувы Владислав Ховалыг недавно подписал соглашение о сотрудничестве с президентом Ассоциации коренных малочисленных народов Севера, Сибири и Дальнего Востока Григорием Ледковым. Оно направлено на всестороннюю поддержку и защиту интересов коренных малочисленных народов.

Кан-оол Даваа выразил уверенность, что создание отдельного Совета при Главе Республики Тыва по делам коренных малочисленных народов позволит усилить эту работу.