31.10.2023

Тыва дыл хүнү-биле!

Тыва Республиканың Дээди Хуралының (парламентизиниң) мурнундан силер бүгүдеге Тыва дыл хүнү-биле байыр чедирерин чөпшээреп көрүңер!

Хүндүлүг чаңгыс чер чурттугларым!

Тыва улус үе-дүптен бээр байлак культуралыг, онзагай төөгүлүг, чечен-мерген дылдыг. Өгбелеривис дылының дузазы-биле бодунуң салгалдарын эки мөзү-бүдүштүг, төрээн черинге болгаш чонунга бердинген төлептиг кижилер кылдыр кижизидип чораан. Ол дээрге чүс-чүс чылдар дургузунда хынаттынган күш-түр. Дылывыстың сөскүрүн, чаражын, байлаан чүгле ону хүн бүрүде ажыглап чоруур кижи билир.

Дыл – чоннуң бот-тускайлаң, онзагай чоруунуң үндезини, кол демдээ болгаш сагыш-сеткилиниң илередикчизи. Тыва дылывысты камгалап, а харын-даа улам сайзырадыры-биле элээн ажылдар республикада чоруп турар. Дээди Хурал «Тыва Республикага 2024-2033 чылдарда тыва дылдың хөгжүлдезинге күрүне деткимчезиниң эчис сорулгаларын» деткип турар. Бо чугула документ тыва дылдың сазыралынга идигни бээр ужурлуг.

Төрээн дылывысты үнелеп, ону үргүлчү ажыглап, аныяк салгалдарга байлак хевээр дамчыдып бээрин кижи бүрүзү бодунуң дорт хүлээлгези кылдыр көрүп, ону сайзырадыры-биле тодаргай базымнарны кылып чорууруңарны күзедим. Бо чараш национал каттыжылга – Тыва дыл хүнү-биле өг-бүлеңерге аас-кежикти, ажыл-агыйыңарга чедиишкиннерни күзеп тур мен!

Хүндүткел-биле,

Тыва Республиканың Дээди Хуралының (парламентизиниң) Даргазы К. Даваа

Источник

Предложить новость